United rigjen fitoren në kampionat, Ronaldo shënon golin e parë në vitin 2022 (VIDEO)

Manchester United i dha fund serisë barazimeve radhazi në kampionat. Ekipi i Ralf Rangnick fitoi 2-0 në “Old Trafford” përballë Brighton, duke u ngjitur përkohësisht në vend të katërt me 43 pikë, dy më shumë se Ëest Ham.

Cristiano Ronaldo gjeti golin e parë me United për vitin 2022. Ylli portugez finalizoi një aksion të bukur në minutën e 51-të, me një goditje në hyrej të zonës.

Brighton luajti me 10 lojtarë prej minutës së 54-t. Dunk u ndëshkua me karton të verdhë, por arbitri ndryshoi mendim pasi pa pamjet në VAR dhe largoi mbrojtësin me të kuq.

Gjithsesi, ekipi mik rrezikoi deri në fund të gjente golin e barazimit, duke goditur edhe traversën në minutën e 78-të me anë të Jakub Moder. Në fundin e ndeshjes Bruno Fernandes shënoi dhe golin e dytë.