Vedat Muriqi pozitiv me Covid-19, 2 javë karantinë në Turqi

Vedat Muriqi rezulton pozitiv me Covid-19. Lajmi konfirmohet nga vetë klubi i Lazios, i cili ka marrë masat për pjesën tjetër të ekipit, raportojnë mediat italiane.

Sulmuesi i Kosovës është dërguar në Turqi ku do ti nënshtrohet karantinimit dy-javor, ndërsa frika te lacialët është e madhe pasi në momentin e firmosjes së kontratës, përkrah Muriqit pa maskë kanë qenë drejtori sportiv Igli Tare, i cili të premten iu nënshtrua tamponit dhe rezultoi negativ, përcjell Ora News.

Vedat Muriqi kaloi këtë merkato nga Fenerbahçe te Lazio për shumën e 18 milionë eurove plus bonuset.

Vetë futbollisti do të përfitojë një pagë vjetore prej 2.2 milionë eurosh.