Verstappen “mbretëron” në Hungari

Shumë pilotë kërkuan vendin e parë në garën për Çmimin e Madh të Hungarisë në Formula 1, por në fund vetëm njëri ia doli. Ai që triumfoi ditën e sotme është Max Verstappen. Piloti i Formula 1 ishte në një nga ditët e tij më të mira, duke ia dalë të marrë një rezultat kaq të rëndësishëm.

Në vendin e dytë qëndron Hamilton (Mercedes). Pavarësisht se bëri një garë që mund të konsiderohet pozitive, fitorja mbetet akoma larg për të. Në vendin e 3-të mbetet Rusell (Mercedes).

Pozicioni i katërt dhe i pestë i takojnë përkatësisht Sainz (Ferrari) dhe Perez (Red Bull). Formula 1 ka një periudhë pushimi tashmë, për t’u rikthyer në pistë pas disa javësh.