Vetëm 6 ndeshje në Botëror që nga viti 2006, rrugëtimi katastrofal i Italisë

Italia ka fituar për herë të fundit Kupën e Botës në vitin 2006 dhe më pas mori një rrugëtim aspak pozitiv. 4 vite më vonë, në Afrikën e Jugut, Të Kaltrit shkuan si kampionët në fuqi, por u eliminuan që në fazën e grupeve. I njëjti fat edhe në vitin 2014, ku u eliminua sërish që në fazën e grupeve.

Gjithsesi ende më i keq do të ishte rrugëtimi në kualifikueset për dy Botëroret e radhës, ku as nuk do të siguronin një biletë për në fazën finale.

Fillimisht të eliminuar nga Suedia për “Rusi 2018” e më pas nga Maqedonia e Veriut për “Katar 2022”. Megjithatë, shanset janë të larta që Italia të kualifikohet në Botërorin e vitit 2026 duke marrë parasysh se kompeticioni do të zgjerohet në 48 skuadra.

Vetëm 6 ndeshje në Kupat e Botës në 20 vite. Një bilanc i frikshëm, pasi kujtojmë që bëhet fjalë për një emër të madh të futbollit botëror si Italia.