VIDEO/ Eurogol në fitoren e Basel, Edon Zhegrova mes më të mirëve në Zvicër
Sporti E Hënë, 5 Tetor 2020 13:41
Basel fitoi 3-2 ditën e djeshme ndaj Luzern dhe siguroi tre pikët e para në kampionat. Goli i dytë u shënua nga Edon Zhegrova, i cili dërgoi topin në rrjetë pas disa driblimeve shumë të bukura.
Performancë pozitive dhe goli i parë sezonal për 21-vjeçarin dardan. Diçka e tillë ka ndikuar që sulmuesi i djathtë i Kosovës të përzgjidhet mes më të mirëve të javës.
Helvetja Blick ka publikuar formacionin më të mirë të javës së tretë në elitën e futbollit zviceran dhe Zhegrova është pjesë e 11-të lojtarëve që shkëlqyen këtë fundjavë. /abcnews.al
