VIDEO/ Rivalët nuk mbajnë ritmin, Barcelona dhe Real shkëputen në La Liga

Me rivalët që nuk arrijnë të ruajnë ritmin, Barcelona dhe Real Madrid vazhdojnë shkëputjen në krye të kampionatit spanjoll. Pas javës së 15-të në La Liga, skuadra katalunjase ruan vendin e parë falë golevarazhit më të mirë se rivalët e përjetshëm, por fitorja 5-2 kundër Mallorca, e mbushur me gola spektakolarë si ai i shënuar nga Luis Suarez, ishte një sinjal i fortë për madrilenët.

Këta të fundit kishin fituar më parë gjatë së shtunës sfidën e tyre, duke kaluar 2-0 Espanyol në “Santiago Bernabeu”.

Ky ekuilibër në garën për titullin kampion në La Liga pritet të prishet vetëm në “El Clasico” e parë sezonal që do të luhet më 18 dhjetor.

Vazhdon të zhgënjejë në këtë sezon Atletico Madrid, që me barazimin pa gola në fushën e Villareal largohet më shumë nga kryesuesit.

I njëjti diskutim për Sevilla, që në ndeshjen që mbylli javën e 15-të të kampionatit spanjoll barazoi 1-1 në transfertën kundër Osasuna.