Video/ U tall me Coronavirusin, ylli anglez rrezikon dënimin shembullor nga federata

Mesfushori i Tottenham, Dele Alli, postoi një video në rrjetin social Snapchat, në të cilën u tall me sëmundjen Coronavirus që ka marr jetë njerëzish në Kinë dhe disa vende të tjera të botës.

Më vonë, Ali e fshiu postimin dhe pastaj e publikoi një video në rrjetin social kinez Weibo për të kërkuar falje. Në video, Alli shihet me maskë në një aeroport, para se ta shfaqë në kamerën e tij një aziatik dhe pastaj ta zmadhojë në kamerë një shishe antiseptike për larjen e duarve.

“Bëra një veprim që nuk ishte shaka dhe pasi e kuptova e fshiva të video, e di kamë zhgënjyer veten dhe klubin. Kjo nuk është diçka për të cilën ne duhet të tallemi. Dashuria, lutjet dhe mendja ime janë me të gjithë të prekurit në Kinë”.

Ndërkohë, mediat angleze shkruajnë se mesfushori i “tre luanëve” rrezikon të penalizohet nga Federata Angleze të Futbollit (FA) për shkak se video është konsideruar skandaloze.