VIDEO/ Xhemaili shënon golin e javës në ligën Amerikane

Blerim Xhemaili është duke pasur mjaft sukses në kampionatin amerikan MLS. Ylli shqiptar iu bashkua skuadrës Montreal Impact nga Serie A ku u aktivizua me Bolognën.

Së fundmi djaloshi nga Tetova ka marrë një vlerësim të madh në Shtetet e Bashkuara të Amerikës. Goli i tij i shënuar javë më parë ndaj DC United është zgjedhur si më i miri i javës së 18-të.

Xhemaili realizoi golin e parë në fitoren 2-0 të skuadrës së tij ndaj DC United, ndërsa tek i dyti  ishte asistues.

Montreal Impact mbanë pozitën e nëntë në tabelë pas 17 ndeshjeve, me 21 pikë të grumbulluara por me gjasa të mira për tu futur në Play Off.