Vllaznia mund dhe në sfidën e kthimit Flamurtarin, shkon në gjysmëfinalen e Kupës (VIDEO)

Vllaznia është skuadra e dytë që është kualifikuar për në gjysmëfinalet e Kupës së Shqipërisë, pasi fitoi edhe ndeshjen e dytë kundër Flamurtarit me rezultatin minimal 1-0.

Shkodranët e shënuan golin e qetësisë në minutën e 70-të, me anë të mesfushorit Mustedanagic. Boshnjaku me kokë e dërgoi topin në rrjetë. Pas shënimit të golit, kuqeblutë e ruajtën epërsinë dhe vijojnë rrugëtimin në Kupë, kompeticion që e kanë fituar sezonin e shkuar.