West Ham fitore spektakolare ndaj Chelsea-t, rriten shpresat për mbijetesë (VIDEO)

West Ham ka arritur që të marrë një fitore spektakolare ndaj Chelsea-t 3-2 në një nga duelet më interesante të javës së 32-të në Premier League. Blutë e Londrës do të ishin të parët që do të kalonin në avantazh me Ëillian në minutën e 42-të me 11-metërsh. Soucek do të barazonte menjëherë në limitet e fraksionit të parë.

West Ham mori zemër nga goli teksa në fillimin e pjesës së dytë kaloi në avantazh me Antonion. Lampard ndërhyn me tri zëvendësime, teksa do të arrinte që të barazohej rezultati me Willian në minutën e 72-të.

Emocionet e kësaj ndeshje nuk do të ndaleshin këtu, teksa në minutën e 90-të Yarmolenko  do të shënonte golin e fitores. Kjo humbje komplikon pozitat e Chelsea-t në vendin e katërt, teksa tashmë gjendet vetëm dy pikë para United. Vendasit ndërkohë rrisin shpresat për mbijetesë, teksa janë 3 pikë larg zonës së ftohtë. /R.Lika-Koha Jone/