Wimbledon/ Alcaraz finalisti i parë, mposht Fritz në një super përballje

Carlos Alcaraz është finalisti i parë i Wimbledon 2025, pasi mposhti amerikanin Taylor Fritz në një përballje të fortë që zgjati katër sete. Spanjolli, kampion në fuqi, fitoi me rezultatin 6-4, 5-7, 6-3, 7-6(6), duke siguruar rikthimin në finalen e turneut prestigjioz për të dytin vit radhazi.

Ndonëse Alcaraz e nisi fuqishëm ndeshjen dhe fitoi setin e parë, Fritz — numri 5 në botë — reagoi në të dytin, duke barazuar shifrat. Alcaraz riktheu kontrollin në setin e tretë dhe në të katërtin vendosi gjithçka në një tie-break dramatik, ku Fritz humbi dy set point për të çuar sfidën në të pestin.

Alcaraz do të përballet në finale me fituesin e gjysmëfinales tjetër mes Jannik Sinner dhe Novak Djokovic.