Yamal i papërmbajtshëm dhe jashtë fushave, kapet mat me modelen 13 vite më të madhe

Ylli i ri i Barcelonës dhe përfaqësueses së Spanjës, Lamine Yamal, është fotografuar së fundmi duke pushuar në Itali në shoqërinë e një stjuardeseje dhe influencueseje të njohur spanjolle, Fati Vazquez, e cila është 30 vjeç – plot 13 vite më e madhe se ai.

Pas përfundimit të angazhimeve me kombëtaren, ku Spanja u mund me penallti nga Portugalia në finalen e Nations League, 17-vjeçari po shijon disa ditë pushimi.

Në rrjetet sociale, si Yamal ashtu edhe Vazquez kanë postuar foto nga i njëjti vend turistik në Itali, ku shfaqen duke shijuar luksin – udhëtime me anije, çlodhje pranë pishinës dhe fluturime me helikopter.

Këto pamje ndezën menjëherë thashethemet për një lidhje të mundshme romantike mes dyshes. Megjithatë, Yamal ka mohuar kategorikisht çdo marrëdhënie me Vazquez. /Koha Jonë/