Zbulohet data kur mund të rifillojë Premier League

8 qershori është data kur mund të rinisë sezoni 2019-2020 i Premier League. Për shkak të pandemisë së Covid-19, futbolli në Europë është paralizuar që nga data 12 mars, por pas thuajse tre muajsh ndalesë është programuar që kampionati anglez të rinisë në datën 8 qershor, të paktën kështu ka vendosur Federata Angleze e Futbollit.

Të gjitha ligat e rëndësishme europiane ashtu si Premier League kanë diskutuar me UEFA-n gjatë kësaj periudhe për të mësuar kur do të jetë e mundur rinisja e kampionateve.

Premier League ka një datë rinisjeje, teksa ideja është që 92 ndeshjet e mbetura deri në fund të kampionatit të luhen në harkun e 5 javëve dhe kampionati të përfundojë në mes të korrikut.