Zhang karikon ekipin: Shpresoj të festojmë trofeun e parë bashkë!

Interi do të rikthehet të luajë një finale europiane pas 10 vitesh, pasi të premten në mbrëmje do të përballet me Sevillan për finalen e Europa League. Para duelit ka folur edhe pronari i zikaltërve, Zhang Jindong.

“Shpresojmë të gjithë që Interi në finalen e Europa Leagues të na bëjë të lumtur sërish. Shpresoj që të festojmë së bashku trofeun e parë që kur kemi blerë skuadrën e Interit”, tha bosi i grupit kinez Suning.

Skuadra zikaltër është e vendosur në Gjermani, ku po përgatit finalen e të premtes, ndërsa lajmi i mirë për trajnerin Antonio Conte është se sulmuesi kilen Alexis Sanchez po stërvitet në fushë, për të qenë gati për sfidën me Sevillan.