ZYRTARE/ Ardon Jashari është lojtari më i ri i Milanit, firmos deri në vitin 2030

Milani ka konfirmuar zyrtarisht afrimin e mesfushorit me origjinë shqiptare, Ardon Jashari. Klubi kuqezi njoftoi përmes një postimi në rrjetet sociale se ka siguruar shërbimet e 21-vjeçarit nga Club Brugge, duke blerë përfundimisht kartonin e tij.

Sipas njoftimit, Jashari ka nënshkruar një kontratë afatgjatë që e mban të lidhur me Milanin deri më 30 qershor 2030. Mesfushori spikati gjatë sezonit të kaluar në Belgjikë, ku në 35 ndeshje me Club Brugge realizoi 3 gola dhe dha 4 asistime, duke tërhequr vëmendjen e shumë skuadrave elitare.

Transferimi i tij në “San Siro” ishte një kërkesë specifike e trajnerit Massimiliano Allegri, ndërsa negociatat u mbyllën me sukses falë rolit vendimtar të Igli Tares, që ishte ndër protagonistët kryesorë të këtij operacioni.