ZYRTARE/ Coutinho transferohet në formë huazimi te Aston Villa

Philippe Coutinho është zyrtarisht lojtar i Aston Villa deri në fund të këtij sezoni futbollistik. Barcelona ka bërë publik sot huazimin e sulmuesit brazilian.

“Barcelona dhe Aston Villa kanë arritur marrëveshjen për huazimin e futbollistit Philippe Coutinho deri në fund të sezonit”, shkruhet në njoftimin e katalanasve në rrjetet sociale.

Katalanasit e blenë Coutinho katër vite më parë për 135 milion euro nga Liverpool dhe tani braziliani do të luajë sërish në Premier League. Barcelona shpreson që braziliani të rigjejë formën e tij më të mirë.