ZYRTARE/ Demiral transferohet në formë huazimi te Atalanta
Sporti E Premte, 6 Gusht 2021 17:05
Merih Demiral është zyrtarisht një futbollist i Atalanta-s. Mbrojtësi turk do të zëvendësojë të larguarin Romero, që firmosi me Tottenham. Lajmi është zyrtarizuar nga vetë klubi bergamask: “Atalanta BC njofton trasferimin e lojtarit Merih Demiral nga Juventus në formë huazimi me opsionin për blerjen e tij”.
Ai ka veshur fanellën bardhezi për dy sezonet e fundit, duke fituar një kampionat, një Kupë Italiane dhe një Superkupë Italiane. Në 32 ndeshje me fanellën bardhezi, ai ka shënuar vetëm një gol ndërkohë që ka shënuar edhe dy gola në portën e tij.
