ZYRTARE/ FIFA zbulon kalendarin për Kupën e Botës “Qatar 2022”

FIFA ka zyrtarizuar datat e kampionatit të ardhshëm të Kupës së Botës, që për herë të parë do të mbahet në dimër. “Qatar 2022”, do të quhet turneu që do të nisë më 21 nëntor dhe do të luhet në orën 13:00 me orën lokale dhe 11 me orën tonë.

Oraret e ndeshjeve do të jenë fiksuar në katër fasha (13:00, 16:00 19:00 dhe 22:00). Ndeshjet e fazës finale do të luhen në orën 1800 dhe 22:00 lokale. Finalja do të zhvillohet më 18 dhjetor në orën 18:00, ose 16:00 me orën tonë në stadiumin “Lusail” me kapacitet 80 mijë persona.

Faza me eliminim do të zgjasë 12 ditë, me 4 ndeshje që do të luhen në një ditë.