ZYRTARE/ Ivan Rakitic rikthehet te Sevilla, ja shifra e transferimit

Ivan Rakitic rikthehet sërish te Sevilla. Klubi andaluz ka zyrtarizuar nënshkrimin me mesfushorin kroat, i cili sapo mbylli një sezon të dështuar te “blaugranat”.

32-vjeçari ka nënshkruar për katër vjet. Sevilla, siç njoftohet nga MARCA, do t’i paguajë 1.5 milionë euro Barcelonës për kartonin e futbollistit, plus 9 milionë në formë bonuse, në varësi të arritjeve sportive të futbollistit dhe klubit.

Në qershor 2014, futbollisti i kombëtares kroate i tha lamtumirë mes lotësh stadiumit “Sánchez-Pizjuán”, por rikthehet në këtë impiant gjashte vite më pas. Në tre sezone e gjysmë te Sevilla, Rakitic luajti 149 ndeshje, shënoi 32 gola dhe dha 41 asiste.