ZYRTARE/ Myrto Uzuni transferohet për 3.5 mln euro në La Liga

Tashmë është zyrtare: Myrto Ozuni ka hedhur një hap të madh në karrierën e tij si futbollist, duke kaluar në La Ligan spanjolle. Sulmuesi shqiptar ka nënshkruar një kontratë 4 vjeçare me Granadën, i cili aktualisht renditet në vendin e 14 në kampionat.

Lajmi u konfirmua nga faqja zyrtare e Ferencvarosh, e cila falënderoi futbollistin beratas për kontributin, në fitimin e një titulli kampion dhe pjesëmarrjen në grupet e Champions League.

Granada ka paguar tek ekipi hungarez 3.5 milionë euro për të marrë shërbimet e Ozunit.