ZYRTARE/ Vrioni braktis Juventusin, transferohet në Amerikë: Jam i emocionuar!

Sulmuesi i Kombëtares sonë, Giacomo Vrioni është transferuar zyrtarisht te skuadra e New England Revolution. 23-vjeçari vendosi të niste një përvojë të re në MLS, ndërkohë që Juventusi do të përfitojë 4 milionë euro nga kjo lëvizje.

“Jam i emocionuar të filloj këtë kapitull tjetër të jetës dhe karrierës sime në Boston dhe Major League Soccer me New England Revolution,” tha Vrioni.

“Kam parë shumë lojtarë të talentuar të vijnë nga Evropa dhe shkëlqejnë në MLS, prandaj besoj se është koha e duhur për të ndërmarrë këtë hap në karrierën time. Mezi pres të takoj së shpejti të gjithë shokët e ekipit, trajnerët dhe tifozët”, deklaroi sulmuesi shqiptar për mediat amerikane.

NEWS: @giacomovrioni32 joins the #NERevs from @juventusfc and becomes club's newest Designated Player. pic.twitter.com/deCX3oE860

— New England Revolution (@NERevolution) July 5, 2022