Zyrtarizohet miqësorja, Xhaka dhe Shaqiri do të sfidojnë Kosovën

Përfaqësuesja e Kosovës do të matë forcat me Zvicrën në fundin e muajit mars në një ndeshje miqësore. Federata Kosovare e Futbollit ka njoftuar se është arritur marrëveshja që të zhvillojë një ndeshje miqësore në datën 29 mars në Zurich.

Kjo do të jetë hera e parë që Kosova dhe Zvicra do të ndeshen bashkë, ndërsa pritet me interes kjo përballje, për shkak se në radhët e skuadrës helevte ka dhe disa lojtarë me origjinë shqiptare, si Granit Xhaka, Xherdan Shaqiri, Andi Zeqiri apo Kastriot Imeri.

Federata e Kosovës po punon për të zhvilluar dhe një miqësore tjetër, me një kundërshtar që mbetet për t’u përcaktuar.