Kaos dhe dhunë në Argjentinë, policia shpëton lojtarët nga sulmet e tifozëve (VIDEO)

Skena të jashtëzakonshme dhune janë regjistruar gjatë një ndeshjeje të kampionatit argjentinas Primera B Nacional, ku dhuna e tifozëve shkaktoi ndaljen e plotë të ndeshjes midis Colón dhe Mitre. Incidente të rënda ndodhën afër minutës së 90-të, fillimisht në tribuna dhe më pas në fushën e lojës, kur tifozët e zjarrtë të Colón shpërthyen në agresivitet të papërmbajtur.

Ndeshja, e vlefshme për javën e 20-të të kampionatit, po luhej në stadiumin “Brigadier General Estanislao López” në Santa Fe dhe u ndërpre në minutën e 79-të pas shpërthimit të trazirave në tribuna. Pamjet u transmetuan drejtpërdrejt në televizion, duke treguar se si lojtarët u detyruan të largohen nga fusha të mbrojtur nga policia me formacion të tipit “testudo” për të shmangur goditjet nga objektet e forta që hidheshin nga tifozët.

Federata dhe autoritetet përkatëse kanë vendosur ndërprerjen përfundimtare të takimit, ndërsa tani pritet vendimi i gjykatës sportive, e cila mund të japë një fitore 3-0 në tavolinë për Mitre. Colón rrezikon gjithashtu dënime të tjera të rënda, si skualifikim të stadiumit dhe penalizim në renditje.

🔴⚫🚨 CLIMA CALIENTE EN EL CEMENTERIO DE LOS ELEFANTES

El partido entre Colón y Mitre de Santiago del Estero fue suspendido tras incidentes entre los hinchas del Sabalero y la policía. #NacionalEnTyCSports pic.twitter.com/MEcBe8a3aU

— TyC Sports (@TyCSports) July 1, 2025