Mihajlovic: 4 muaj të vështirë, u lodha nga të qarat

Sinisa Mihajlovic ka folur nga një konferencë për shtyp pas 2 muajsh. Trajneri serb u diagnostikua me kancer dhe po lufton me sëmundjen e tij, ndërkohë që mban ende rolin e tij te Bologna si trajner kryesor.

“Katër muajt e fundit kanë qenë të vështirë, por unë jam i fortë, jam ende këtu. Herën e fundit që fola ishte me 13 korrik dhe ju tregova për sëmundjen time. Tani dua të flas për shëndetin tim dhe t’iu falënderoj ju të gjithëve, doktorët, infermierët dhe të gjithë ata që më ndihmuan.

Tifozët e Bolognas që më trajtuan si një djalë. Jam lodhur nga të qarat. Unë nuk jam shquar për një njeri të durueshëm, por tani dua të shijoj dhe minutat”,  tha Mihajlovic.