Pas Apple edhe Samsung tërhiqet nga Rusia, ndalon shitjet për shkak të pushtimit të Ukrainës

Firma e njohur Samsung ka ndaluar dërgesat në Rusi, si pasojë e sulmit rus ndaj Ukrainës.

Dërgesat në Rusi janë pezulluar “për shkak të zhvillimeve aktuale gjeopolitike”, tha Samsung në një deklaratë të shtunën.

“Ne vazhdojmë të monitorojmë në mënyrë aktive këtë situatë komplekse për të përcaktuar hapat tanë të ardhshëm”, thuhet në deklaratë.

Kompania bëri të ditur se do të dhurojë 6 milionë dollarë për të ndihmuar refugjatët.