Si të bisedoni me video pa e vendosur veten në situata të sikletshme

Aplikacionet e thirrjeve me video janë ndër më të përdorurat gjatë periudhës së koronavirusit pothuajse në gjithë botën. Puna nga shtëpia e ka bërë të domosdoshme këtë komunikim i cili është përdorur në masë edhe për arsye të tjera.

Por shpesh na ndodh që gjatë bisedave me video të kalojmë situata të pakëndshme për shkak të disa rrethanave të ndryshme. Ja disa hapa që duhet të ndjekim për të shmangur këto situata të sikletshme:

Bllokoni mikrofonin nëse nuk flisni

Ky është ndoshta rregulli Nr. 1 për thirrjet me video. Nëse jeni në një telefonatë me njerëz të shumtë, sigurohuni që të bllokoni mikrofonin tuaj kur nuk flisni. Në këtë mënyrë nuk i ndërpret të gjithë nëse dikush nga familja të shqetëson gjatë bisedës. Të gjithë e kuptojnë se këto gjëra ndodhin, por ju mund ta shmangni atë duke shkaktuar një shqetësim gjatë thirrjes.

Kushtojini vëmendje ndriçimit

Është e vështirë të dukesh mirë këto ditë por mund të bësh një gjë që të dukesh pak më mirë gjatë një bisede në video duke i dhënë ambientit tuaj ndriçim. Mund të ndizni një llambë tryeze drejt fytyrës tuaj ndërsa jeni duke biseduar, ose ndonjë aksesor i cili mund të lidhet me ekanin e pajisje tuaj dhe të sigurojë ndriçim të shtuar. Mundohuni të mos keni dritë pas jush, pasi mund të duket sikur po flisni nga hijet.

Fikni kamerën tuaj kur ngriheni

Nëse ngriheni nga tryeza juaj për të bërë ndonjë gjë, fikni kamerën tuaj. Disa video të postuara në internet kanë treguar që njerëzit hynin aksidentalisht në banjë dhe kamera ka qenë ndezur  ndërkohë që kanë qenë duke komunikuar me kolegët e tyre. Ju nuk dëshironi që kjo të ndodhë. Pra, nëse aplikacioni e lejon atë, fikeni kamerën tuaj nëse keni nevojë të merrni pjesë në biznesin personal.

Shikoni kamerën

Sigurohuni se jeni përqendruar në kornizën e kamerës. Shumica e aplikacioneve kanë një dritare të vogël që tregon se si ju dukeni, prandaj sigurohuni që të shikoni. Unë kam qenë në mjaft video biseda kohët e fundit ku unë mund të shoh vetëm ballin e dikujt ose ku shoh vetëm gjysmën e dikujt në kornizë. Ju nuk duhet të shikoni drejt kamerës, por duket më etike nëse të paktën po shikoni drejt saj kur flisni.

Mos bërtisni

Shumica e kompjuterave dhe kamerave moderne kanë mikrofonë të mirë. Zakonisht ata janë mjaft të mirë në marrjen e zërit tuaj, që do të thotë se nuk është e nevojshme të bërtisni në aparatin tuaj që njerëzit e tjerë t’ju dëgjojnë. Thjesht flisni normalisht, dhe për aq kohë sa nuk ka shumë zhurmë në sfond, njerëzit do t’ju dëgjojnë. Disa kompjuterë modernë, kanë mikrofona me cilësi në studio, kështu që do të tingëlloni shumë më të qartë nga sa mendoni. (cnbc)

/ SCAN