21 bova, ja si po e ndajnë kufirin ujor Shqipëria dhe Mali i Zi (VIDEO)

Në liqenin e Shkodrës ka nisur vendosja e bovave të reja, nëpërmjet të cilave përcaktohet edhe vizualisht kufiri mes Shqipërisë e Malit të Zi.

Vendosja e bovave të reja bëhet pas një komunikimi të vijueshëm nga Departamenti për Kufirin dhe Migracionin, me palën kufitare të Malit të Zi.

Policia e Shtetit bën me dije se nëpërmjet këtyre bovave përcaktohet edhe vizualisht kufiri në liqenin e Shkodrës mes Shqipërisë e Malit të Zi.

“Gjatë ditës së sotme, me ndihmën e helikopterit të Forcës Ajrore si dhe të Repartit të Hidrografisë të Ministrisë së Mbrojtjes, filloi operacioni për vendosjen e tyre në kufirin e liqenit të Shkodrës. Kufirin mes Shqipërisë dhe Malit të zi në Liqenin e Shkodrës, e ndajnë 21 bova, të cilat për shkak të kushteve atmosferike u dëmtuan dhe nuk ekzistonin prej vitesh” njofton Policia e Shtetit.

https://www.facebook.com/1502420603377639/videos/2456228611117110/