VIDEO/ Hiti “Ushtari i Rrugës” mbush 15 vjeç, shumë shpejt do të rikthehet si remiks?

Ka 15 vjet që që nga momenti kur u publikua një nga hitet më të mëdha të asaj kohe, por që i ka mbijetuar viteve dhe vazhdon të dëgjohet edhe sot.

Adhuruesit e muzikës shqiptare 15 vjet më parë shijuan hitin “Ushtari i Rrugës”, një nga këngët më të pëlqyera ndonjëherë në diskografinë shqiptare.

Kënga e grupit Ritmi i Rrugës, tashmë po mendohet që të rikthehet në një version të ri remiks nga një prej anëtarëve të grupit.

Besnik Qaka, i cili ishte pjesë e grupit “Ritmi i Rrugës” bashkë me Memli Krasniqin, vazhdon ta performojë projektin në shumë koncerte, ku hiti po pritet shumë mirë pavarësisht se ka 15 vjet prej publikimit të tij.

Dhe tani solisti i NRG band, si anëtari i vetëm aktiv i “Ritmit të Rrugës” në skenën aktuale muzikore, po mendon që të publikojë një version remiks të këngës, në bashkëpunim me ndonjë prej reperëve më të mirë të skenës shqiptare, i përshtatshëm për projektin, si reflektim i gjeneratës së re të muzikës dhe hip hopit, në gërshetim me traditën, transmeton telegrafi.

Pa dyshim se një remiks i këtij projekti do të mirëpritej nga publiku shqiptar, që e ka konsideruar këtë këngë gjithmonë një nga këngët më të dashura.