Mbi 500 fluturime brenda Britanisë, por edhe nga aeroportet europiane që kishin destinacion ishullin u anuluan, duke lënë në tokë mijëra pasagjerë.
Shërbimi i kontrollit të trafikut ajror në Mbretërinë e Bashkuar deklaroi pas disa orësh defekti ishte identifikuar tashmë dhe po zgjidhet, duket kërkuar falje për situatën e krijuar.
“Kemi identifikuar dhe korrigjuar problemin teknik që ndikoi në sistemin e kontrollit të fluturimeve. Po punojmë ngushtë me linjat ajrore dhe aeroportet për të menaxhuar fluturimet e prekura në mënyrë sa më efikase. Inxhinierët tanë do të monitorojnë me kujdes performancën e sistemit”, shkruhet në njoftimin e NATS.
