Zyrtarisht kombëtarja e Italisë ka trajner të ri, me triumfe dhe dështime të mëdha

Luciano Spalletti është trajneri i ri i Kombëtares italiane të futbollit. Kampion i sezonit të fundit në Seria A me Napolin, tashmë ai do të zëvendësojë në krye të kombëtares së kaltër Mancinin e dorëhequr pak ditë më parë.

Pavarësisht kontratës deri në vitin 2026, Mancini i befasoi të gjithë dhe u largua pas 5 vitesh me triumfe dhe dështime të mëdha si fitorja e Euro 2020 dhe mospjesëmarrja në Botërorin e Katarit 2022.

Ai e mori drejtimin e Italisë në maj 2018 dhe përfundoi me finalet e Ligës së Kombeve 2023; në mes, fitorja në Euro 2020, një triumf i arritur nga një grup në të cilin të gjithë individët ditën të bëhen ekip.