LIVE/Rama tek UBT, studentja: Nuk e dinim që do vije, unë po largohem

Edhe pse studentët po vijojnë protestën në ditën e 14-të, kreu i qeverisë Edi Rama sot ndodhet tek Universiteti Bujqësor, ku sipas tij po dialogon për 8 pikat.

”Universiteti Bujqësor-Dialogu për 8 pikat e protestës studentore dhe Paktin për Universitetin mes qeverisë e studentëve”,-shkruan Rama në facebook. Një nga studentët i është drejtuar kreut të qeverisë me fjalët se studentët nuk e dinin që sot do tu zhvillonte ky takim.

”Rektori na kishte njoftuar për një takim me studentë dhe pedagogë, nuk ka tha që do vinit ju këtu. Unë jam kundër kësaj përçarjeje që po përpiqeni të bëni ju. Prandaj jam e para që do të braktis mbledhjen, sepse rektori na ka gënjyer”, deklaroi studentja. I kapur në befasi nga studentja, Rama u përgjigj: ”Unë nuk e di çfarë bëni ju me rektorin, kjo është puna juaj”.