Roland Qafoku: Tetor ’97- mars ’98, kronologji rebelimi

(Botuar me 10 Prill 1998 në KOHA JONE)

Nga Roland Qafoku-

1 tetor 1997. Mbledhje urgjente e kryetarit të Bashkisë me forcat politike dhe fetare. Përkeqësimi i rendit, frika e destabilizimit, kërkohet ardhja e forcave speciale. Forcat politike nuk arritën.

3 tetor 1997. Hajdaraga takim me policinë në Shkodër: Luftë kundër kontrabandës

4 tetor. Në mjediset e Drejtorisë disa policë qëllojnë në ajër, duke dëmtuar disa materiale. Shkaku ishte një urdhër i MB që shkrinte disa reparte të policisë kriminale. Një natë më parë në Shkodër ishte Berisha & Hajdari.

8 tetor. Emërohet nëndrejtor i policisë Mirian Prendi. Shkarkohet shefi i komisariatit numër 1, Ali Vokshi.

15 tetor. Forcat speciale dislokohen në rrugën Shkodër-Velipojë. Bllokohet kontrabanda.

8 dhjetor. Meidani dhe Nano, një vizitë sekrete në Shkodër në 06.00 për të marrë pjesë në festimin e 40-vjetorit të arsimit të lartë. Ndërsa dilet nga ceremonia një grup të rinjsh shajnë. Nano nuk vinte në këtë qytet që prej majit 1992. Në 18 qershor 1993 i kishin bërë një pritë për të mos e lejuar.

12 dhjetor. Berisha në Shkodër. Përkujtimi i rrëzimit të komunizmit. Thirrje për rrëzimin e qeverisë.

12 dhjetor. Nano kundërpërgjigjet, Shkodra do të bëhet metropol i zhvilluar.

13 dhjetor. Shaban Memisë i vjedhin benzin gjatë vizitës me Berishën.

19 dhjetor. Policia malazeze sekuestron mallrat e tregtarëve shkodranë që kalonin në liqen.

20 dhjetor, ora 22.00. Plagoset zv/ drejtori i Policisë Marian Kondi në një konflikt me disa grabitës në lagjen “3 Heronjtë”.

24 dhjetor.  Shkarkohet drejtori Fran Ndoji dhe emërohet Mithat Havari, i cili premton ta bëjë Shkodrën si Berati.

26 dhjetor. Prokuroria e Përgjithshme: 6.5 miliardë lekë të grabitura në bankën e Shkodrës, financojnë terrorin që drejtohet nga një dorë e fortë.

27 dhjetor. 4 autobusë me shkodranë vijnë në Tiranë për të marrë pjesë në mitingun e PD. Hajdari: Nuk di gjë.

16 janar, ora 20.00. Hidhen disa shashka pranë drejtorisë së policisë. Legisi: Qyteti nën kontroll.

17 janar. Havari sulmon të korruptuarit në TV. Policët rebelohen: të largohet nga detyra. Rreth 40 persona brenda dhe jashtë godinës për tre orë. Po atë ditë Havari kishte bllokuar 30 makina të personave që dyshoheshin si të inkriminuar, midis tyre dhe policë. Forcat speciale në pikën kufitare.

17 janar, ora 04.00.  Shpërthejnë dy granata brenda oborrit të Spitalit civil.

19 janar. Sokol Bare komandohet drejtues i Policisë së Shkodrës. Nga Tirana mbërrijnë specialet. Mbërrin urdhri që inspektori Shyqyri Çela të emërohej për 24 orë drejtor. Havari vazhdon drejtor. Ora 18.00 mbërrijnë përfaqësues të policisë ndërkombëtare. Forcat politike nuk bien në një mendje. Socialistët nuk janë dakord me largimin e Havarit.

20 janar, ora 09.00. Në qytet të shtëna armësh. Policia në gatishmëri sepse kishte informacion se një grup i armatosur do të sulmonte drejtorinë.

12.00. Sipas Bares, 10 persona që dikur ishin policë të kriminales kanë sulmuar drejtorinë. Ata donin lirimin e dy të arrestuarve të një dite më parë, largimin e specialeve dhe largimin e Havarit. Nga të shtënat plagosen pjesëtarët e RENEA-s, Genc Oshafi dhe Sokol Shepeteja.

12.20 Autorët e sulmit kanë kaluar në bulevardin kryesor dhe kanë qëlluar në ajër duke mbjellë tmerr te kalimtarët për 30 minuta. Pas kësaj ata futen në Prefekturë ku po zhvillohej një mbledhje e Partive të Bashkimit për Demokraci.

15.30. 40 vetë rrethuan ndërtesën, ndërsa 10 të armatosur kanë hyrë brenda. Në këtë moment Jozefina Topalli futet në mbledhje, i kërkon Podgoricës realizimin e tre pikave. Prefekti merret peng.

22.00. Të armatosurit janë shpërndarë.

21 janar, ora 12.45. Prefekti jep dorëheqjen. Populli i dërgon ushqime policisë. Qindra persona kanë marshuar në qendër me thirrjet kundër Nanos dhe pro Berishës.

13.45. Topalli, Hoti, Kroqi takojnë në Drejtori Baren. Dhjetëra telefonata anonime për vendosje bombash. 16.15. Grupet e armatosura largohen nga Prefektura. Policia dhe Ushtria në alarm.

22 janar. Lista e të pyeturve. Berisha, Topalli etj.

11.00. Dy të arrestuarit që shkaktojnë rebelimin, Sandër Marashi dhe Gjovalin Brixho sigurohen nga Gjykata ushtarake e Tiranës me arrest burgu. Akuza: Rebelim në bashkëpunim. Kanë ndaluar Havarin të futeshin në zyrë, 25 orë rebelimi i policisë. Emërohet Prefekti i ri Ali Laçej. Ceka: Koordinim i agjenturës së Beogradit dhe qarqeve politike të PD.

14 shkurt. Incident në shkallët e stadiumit. Disa të panjohur i kërkojnë Havarit të çohet për t’u ulur Hajdari. Në fillim kundërshton, më pas çohet dhe raporton në Ministri për të armatosurit. Një postbllok në hyrje të Lezhës ngrihet në Milot. Azemi dhe 20 vetë nuk pranojnë. Në orën 02.00 të dielën është ngritur por  6 deputetë mbërrijnë te kolegu. Rreth postbllokut ka të shtëna të shumta.

16 shkurt. Ceka në parlament. Serbët financojnë terrorin. 40 vetë në miting protestojnë për ndalimin e 14-të të arrestuarve.

17 shkurt. Gjykata e Tiranës vendos: Dem Dollapi, Çlirim Balilaj, Avni Mustafaraj me arrest shtëpie. Arrest me burg 5-ditor të tjerët. Mes të pandehurve edhe Ali Kazazi. Arrest me burg deri në 15 ditë, 6 të pandehur. Akuza: Kundërshtim me dhunë i policisë dhe armëmbajtje pa leje. Njëri prej tyre është shprehur: na urdhëroi Hajdari. Miting në Shkodër: Lironi Kazazin. Të shtëna në ajër 12.00.

18.45. Shpërthim 200 gr. tritol në godinën e PS. Dëmtohen dyert dhe dëme në shtëpitë përreth.

21 shkurt. Hidhen 2 bomba mbi drejtorinë e Policisë. Shpërthim pranë karburantit. Havari: Autorët lidhje të brendshme në polici.

22 shkurt, 16.25. 15 veta kanë sulmuar drejtorinë. Shpërthime dhe të shtëna armësh. Lirohen 50 të burgosurit. Për 15 minuta bie shteti.

19.30. Sulmohet arka e postës. 23.30. Bashkia është kthyer në gërmadhë.

01.00. Rrënohen degët BT dhe të Kursimit me shpërthime. Vidhet universiteti. Sulmohet biblioteka Marubi, Prokuroria, Gjykata. Me kriminelët bashkohen edhe hajdutët.

23 shkurt 12.20. Sulm i policisë speciale për zhbllokimin e urës së Baçallëkut. Policia merr qytetin. Shkarkohet Havari. Emërohet Lulëzim Smakaj si i 9-i drejtues që nga marsi.

13.00 Janë arrestuar 10 persona.

23 shkurt. Kazazi i lirë, Kalivopulli pa afat.

24 shkurt. Shkarkohen 150 policët dezertorë. Bilanci i dëmeve 1 milion USD. Janë grabitur 15 objekte.

Arrestohen Fran Voci 34 vjeç, Hysni Kopliku 26 vjeç, Bepin Ndoci 30 vjeç. 10 të arrestuar dërgohen në burgun 313.

25 shkurt, ora 22.00. Revoltë në burgun e Tiranës. Hiqet imuniteti i Azem Hajdarit. 93 deputetë pro, 6 kundër. Gjergj Zefi mbahet peng nga disa persona dhe detyrohet të japë intervistë në TV lokal. Zefi: ata janë të PD-së pa 27 Shkurt. Fran Voci: Jam stërvitur në kampet e huaja. Francë, Gjermani dhe Mal i Zi, “Do luftoj komunizmin”. Emërohet drejtor i policisë.

Pjerin Ndreu në vend të Smakajt. Shkarkohet zv. Drejtori Fran Nokaj.

2 mars. Numri i të arrestuarve shkon në 24 të akuzuar për 22 shkurtin.

3 mars. Vendoset që Senatoriumi të bëhet drejtori e Policisë.

ROLAND QAFOKU