Tragjedia e 4-fishtë në Qerret, mediat ruse: Vdekja jo nga sauna

Mediat ruse kanë nisur investigimet për tragjedinë e ndodhur në Qerret, aty ku katër turistë rusë humbën jetën.

Ngjarja tragjike ndodhi mbrëmjen e të premtes, rreth mesnatës, ku viktima janë Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç, dhe Ekaterina Burenkova 31 vjeçe.

Shtypi shkruan se e 58-vjeçarja vuante nga kanceri dhe për këtë arsye nuk është futur në saunë.

Viktimat u gjetën në hotel të veshur me veshje të përshtatshme për saunën, por nuk është ende e qartë nëse ata ishin futur aty apo jo.

Të afërmit e viktimave kanë deklaruar se asnjëri prej tyre nuk konsumonte alkool ose lëndë narkotike. Shkaku i vdekjes pritet të përcaktohet pas rezultateve të autopsisë.