Ndeshja me Ishujt Faroe, zbulohet plani i FSHF-së: Festë deri në mesnatë, e ftuar këngëtarja…

Sot më 20:45 në “Air Albania” do të luhet Shqipëri-Ishujt Faroe, dhe është sfida e fundit kualifikuese të Euro 2024 në grupin E. Ekipi kuqezi janë të kualifikuar për në fazën finale të “Gjermani 2024”, dhe mbrëmja e sotme do jetë festive për 22 mijë shqiptarët në stadium.

Nga ana tjetër është zbuluar edhe programi festiv i mbrëmjes së sotme. Gjithçka nis në orën 17:45 kur bëhet futja e tifozëve në stadium, duke vijuar më pas me koreografinë para ndeshjes.

Në pushimin mes pjesëve do ketë një performancë nga Ansambli i Këngëve dhe Valleve, teksa pas ndeshjes do jetë e ftuar këngëtarja Juliana Pasha. Gjithashtu lojtarët do dalin në fushë për të përshëndetur tifozët.