Kush është 18-vjeçari te Monaco që theu rekordin e Mbappe

Monaco fitoi mbrëmë 2-1 kundër Barcelonës në turin e parë të Champions League. 3 pikët skuadrës nga Principata ia dha talenti nigerian George Ilenikhena. 18-vjeçari u fut në pjesën e dytë dhe ia doli të mposhtë Ter Stegen.

George Ilenikhena është bërë kështu golashënuesi më i ri në histori të Monacos në garën elitare evropiane të klubeve. Por, goli i tij nuk është thjesht goli i fitores. Duke shënuar kundër Barçës, Ilenikhena theu një rekord të vendosur nga Kylian Mbappe te Monaco në vitin 2017, kur ai shënoi kundër Manchester City, për t’u bërë golashënuesi më i ri i Monacos në Ligën e Kampionëve.

Mbappe ishte 18 vjeç e 63 ditë kur vendosi rekordin te Monaco, ndërsa Ilenikhena është një muaj më i ri sesa francezi kur shënoi golin e parë.