10-vjetori i rënies në detyrë të dëshmorit Feti Vogli, Presidenti Meta: Sakrifica e tij na frymëzon

Ishte 20 shkurti 2012 kur Feti Vogli u vra në Afganistan. Në 10 vjetorin e rënies në detyrë të dëshmorit, një reagim ka ardhur edhe nga Presidenti Ilir Meta.

Përmes një postimi në facebook, kreu i shtetit thotë se sakrifica e tij sublime në emër të lirisë, na bën krenarë dhe frymëzon në çdo kohë.

“Si sot 10 vite më parë dha jetën në krye të detyrës, në vijën e parë kundër terrorizmit, Dëshmori i Atdheut Kapiten Feti Vogli. Sakrifica e Tij sublime në emër të Atdheut, Lirisë dhe Paqes na bën krenarë dhe frymëzon në çdo kohë. Kujtimi i Kapiten Feti Voglit do të mbetet i paharruar! LAVDI!”, shkruan presidenti, krahas fotos së dëshmorit Feti Vogli.