100 mijë protestues? Balla replikon me senatorin amerikan: Socialistët shokët tuaj ideologjikë, ju ftoj të na vizitoni

Kreu i grupit parlamentar i PS-së, Taulant Balla, ka reaguar ndaj deklaratës së senatorit amerikan Bernie Sanders lidhur me protestat kundër projektit turistik të planifikuar nga Jared Kushner në Shqipëri. Në një postim në platformën X, Sanders deklaroi se mbi 100 mijë qytetarë kanë dalë në protestë kundër një resorti luksoz që, sipas tij, rrezikon mjedisin dhe përfaqëson interesat e oligarkëve.

Pak orë më vonë, Balla iu kundërpërgjigj publikisht, duke vënë në dyshim shifrat e përmendura nga senatori amerikan. Në reagimin e tij, ai theksoi se debatet politike dhe përplasjet mes palëve janë të pranishme si në Shtetet e Bashkuara ashtu edhe në Shqipëri, duke e krahasuar situatën me një “shtëpi letrash”.

Shkëmbimi i deklaratave vjen në një kohë kur protestat kundër projektit të propozuar në bregdetin shqiptar kanë tërhequr vëmendje brenda dhe jashtë vendit.