110 vjetori i Pavarësisë, Ambasada: Vlerësojmë kontributin e shqiptarëve në Britaninë e Madhe

Ambasada e Britanisë së Madhe në Tiranë, ka uruar për 110 vjetorin e Pavarësisë. Në mesazh theksohet se Mbretëria e Bashkuar mbështet demokracinë e Shqipërisë dhe mirëpret zgjerimin e lidhjeve të ngushta ekonomike dhe të sigurisë.

“Shqipëria feston sot Ditën e Pavarësisë dhe nesër Ditën e Çlirimit. Mbretëria e Bashkuar mbështet demokracinë e Shqipërisë dhe mirëpret zgjerimin e lidhjeve të ngushta ekonomike dhe të sigurisë. Ne vlerësojmë kontributin e komunitetit shqiptar në Mbretërinë e Bashkuar dhe shprehim urimet tona më të mira për ata që kremtojnë festat kombëtare”, thuhet në deklaratë.

Edhe pse politika atje, shqiptarët i quajnë si pushtues dhe kriminelë. Të paktën kjo për atë pjesë të qytetarëve që zgjedhin kalimin ilegal drejt Anglisë.