14 Maji, deputeti Gogu: PS vijon që të prodhojë energji pune. PD në luftë fronesh

Deputeti i PS-së Toni Gogu, thotë se opozita nuk ka çfarë i ofron shoqërisë shqiptare, ndërkohë që Partia Socialiste sipas tij vazhdon të prodhojë energji pune. Ai theksoi se qytetarët e kanë të thjeshtë të votojnë në zgjedhjet lokale pasi veprat e mazhorancës janë të dukshme.

”Nuk kam parë ende që PS të katandiset në një luftë fronesh. Ka një situatë, e një prej kolegëve tanë të grupit parlamentar, por kjo nuk është situata e PS. PS është ai organizim ku njerëzit vijnë me kontributin e tyre, nuk kemi probleme me forumet, strukturat, kongresi, atëherë do të ishte një situatë partiake.

Në Tiranë, drejtoj politikisht struktura të PS në disa zona, kemi një bilanc punësh. Votuesi e ka sot një zgjedhje, ku përballë tij janë 40 shkolla të bëra në 8 vjet në Tiranë.

Erion Veliaj konkurroi për të qenë kryebashkiak duke thënë se donte të ndërronte historinë, shkollat e 8 viteve më parë nuk krahasohen me ato të sotmet, kemi arritur në 4 milionë vizitorë, ky është fakt. Kjo forcë politike e solli këtë realitet, që Tirana të bëhet me dinjitet një qendër ballkanike europiane’‘.