165 viktima nga aksidentet në vitin 2021

Aksidentet rrugore janë kthyer në një vrasës, ku për vitin 2021 kanë humbur jetën 165 qytetarë. Autoambulancat të cilat shkojnë në vendngjarje për të dhënë ndihmën e parë, raportojnë në kohë reale për numrin e aksidenteve, që i cili mbetet i lartë.

“Nga janari deri në fund të nëntorit janë 3.212 aksidente, përfshirë edhe ato me motor dhe mjete të rënda”, thotë Skënder Brataj, kreu i Urgjencës Kombëtare.

Një tjetër problem është ndihma e shpejtë që nuk dimë ta japim, pasi për të ndihmuar të aksidentuarit nxitojmë që t’i trasportojmë ata menjëherë, por në fakt më shume i dëmtojmë, pasi një lëvizje e gabuar mund të shkaktojë paralizë të të aksidentuarve.