18 krime në Shkodër, qytetarët ndihen të pasigurt

Në 6 muaj, Shkodra numëron të paktën 18 ngjarje kriminale të paramenduara dhe të mirëorganizuara, si atentate ndaj personit, me viktima dhe të plagosur, apo shkatërrim prone nëpërmjet zjarrit dhe lëndëve plasëse si dhe grabitje banesash dhe bankash.

Qytetarët shkodranë shprehen se u vjen keq për atë që po ndodh, ndërsa të tjerë ndihen edhe të pasigurt. Për ta përmirësimi i situatës vjen vetëm duke zbatuar ligjin dhe dënuar si duhet autorët e këtyre krimeve.

“Ne kemi keqardhje për ato që dëgjojmë, sidomos për shkodranët, për kushdo qoftë. Uroj që të bëhet një pajtim mes këtyre njerëzve dhe të munden të eliminojnë këto gjëra”, thotë një qytetar. “Janë bërë shumë të bezdisshëm, se mos kanë filluar sivjet”, thotë një tjetër.