18 vjeçari në gjyq, i heshtur, frikë nga nëna e Fabio Hilës

Vrasja në qendër të Pogradecit, ku la të vdekur 18 vjecarin Fabio Hila, nga bashkëmoshatari, i cili sot ka marrë dhe masën e sigurisë. Gjykata e Korçës, nën masa të rrepta sigurie, e njohu Fabian Muçllari me masën “arrsest me burg”, si vrasës të Hilës, pas sherrit për një vajzë.

Burime nga Gjykata kanë pohuar se ai u shoqërua nga forca të shumta policie pasi nëna e viktimës Fabio Hila deklaroi publikisht se do të hakmerrej ndaj vrasësit të djalit të vetëm të saj në rast se ai do të lirohej nga gjykata si minoren apo si i sëmurë mendor.

“Vrasësi mbetet vrasës”, shkroi ajo në rrjetet sociale, me besimin se drejtësia do të gjykonte si duhej.

Në seancën gjyqësore, Fabian Muçllari ka qëndruar në heshtje dhe i pranishëm aty ka qenë një person, babai i tij dhe asnjë familjar tjetër apo i afërm, i cili dëgjonte duke mbajtur kokën me duar.