18-vjeçarja sajon rrëmbimin: Babi, paguaj 400 mijë euro se do të më vrasin!

Duket si një film hollivudian, por është ngjarje e vërtetë dhe ka ndodhur në zemër të Tiranës.

Një 18 vjeçare me iniciale N.Ç në bashkëpunim me dy miqtë e saj K.Gj dhe O.H kanë organizuar një skemë rrëmbimi duke i kërkuar babait të saj, L.Ç shumën prej 400 mijë eurosh.Me anë të një telefonate dy miqtë e vajzës kanë kërcënuar babain e N..Ç se nëse nuk do të paguante 400 mijë euro nuk do ta shihte më vajzën e tij.

Babai ka rrëfyer në polici se rreth mesnatës ka marrë një telefonatë anonime dhe ka dëgjuar zërin e vajzës së saj se është marrë peng, dhe po kërcënohet me forcën e armës. Ndërsa njëri nga rrëmbyesit i ka thënë se nëse nuk do të dorëzojë 400 mijë euro atëherë nuk do ta shohë vajzën.

Menjëherë mbas marrjes së denoncimit policia është vënë lëvizje, ku është bërë dhe zbulimi i madh se e gjithë ngjarja ishte një trillim nga ana e vajzës.

Uniformat blu të kryeqytetit kanë vënë në pranga 18-vjeçaren dhe dy miqtë e saj me akuzën “mashtrim në Bashkëpunim”(Express).