20-vjeçari gjendet i mbytur në liqenin e Paskuqanit

Një 20-vjeçar është gjendur pa shenja jete në liqenin e Paskuqanit në Kamëz.

Uniformat blu bëjnë me dije se shtetasi S. B., 20 vjeç dyshohet se është vetëmbytur.

Ky shtetas ishte shpallur në kërkim nga policia, pas kallëzimit të bërë nga familjarët, për largimin e tij nga banesa.

“Më datë 12.10.2023, te diga e liqenit të Paskuqanit, është gjetur pa shenja jete dhe pa shenja dhune, dyshohet i vetëmbytur, shtetasi S. B., 20 vjeç.

Ky shtetas ishte shpallur në kërkim nga Komisariati i Policisë Nr. 5, pas kallëzimit të bërë nga familjarët, për largimin e tij nga banesa”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.