2022, ngjarjet që do të dominojnë debatin publik

Në datën 5 skadon “ultimatumi” që Sali Berisha dhe mbështetësit e tij i kanë dhënë Lulzim Bashës dhe stafit drejtues për të lënë zyrat paqësisht. Ngjarjet në PD do të themelojnë debatet e 2022 dhe pritet të jenë në qendër të vëmendjes.

Në kufijtë e Shqipërisë, produktet Serbe dhe verimaqedonase nga 1 janari hyjnë pa radhë, pa kontroll cilësie, veç me një certifikatë të marrë në vendin nga vijnë.

Nuk do jetë e largët dita kur tregjet t’i shohim të mbushura me produkte në gjuhën cilirike. Jo se tani nuk ka, por nuk arrijnë as 30 për qind të konsumit.

Në 8 janar Berisha dhe mbështetësit e tij do të bëjnë protestën e dytë kundër “Open Balkan”, por duket se askush nuk e kupton rrezikun e asimilit të ekonomisë vendase, ose Berisha nuk është ai që mund t’i mbledhë në këtë kauzë. Një nga këto arsye bëri që në protestën e pak të merrnin pjesë vetëm 2-3 mijë vetë.