2664 mësues të vaksinuar me AstraZeneca, Manastirliu: Janë më të mbrojtur

Deri më tani 2664 mësues kanë marrë vaksinën e AstraZenecës kundër COVID-19, në disa qytete të vendit.

Përmes një statusi në “Facebook”, ministrja e Shëndetësisë, Ogerta Manastirliu,  shkruan se ata janë sot më të mbrojtur nga COVID-19 pas marrjes së dozës së parë të vaksinës, ndërsa procesi po shtrihet në të gjithë vendin.

“2664 mësues nga Kukësi, në Shkodër, Lezhë, Tiranë, Durrës, Lushnje, Korçë, janë sot më të mbrojtur nga COVID, pas marrjes së dozës së parë të vaksinës, teksa procesi po shtrihet në të gjithë vendin”, shkruan ministrja.