28 humbje jete dhe mbi 1 mijë raste në 24 e fundit në Greqi

Autoritetet shëndetësore në Greqi kanë publikuar të dhënat e fundit të COVID-19 atje. Në njoftimin zyrtar thuhet se gjatë 24 orëve të fundit janë shënuar 1.319 persona të infektuar.

28 persona nuk kanë mundur të fitojnë betejën me virusin, duke e çuar këtë shifër, që prej fillimit të pandemisë në 14.169. Aktualisht, 378 pacientë ndodhen në intubim, shumica prej të cilëve janë të pavaksinuar, ose pjesërisht të vaksinuar.

Mosha mesatare e rasteve është 39 vjeç, ndërsa e viktimave 78. Sa i përket shpërndarjes gjeografike të rasteve, 199 infeksione të reja u regjistruan në Atikë, 177 në Selanik, 54 në Achaia, 44 në Larisa, 43 në Pella dhe 40 në Heraklion.