28 pemë për 28 vjet liri, Sakja: Bashkë për Parkun Rekreativ (FOTO)

Jo me protestë e larg fjalimeve që politikanët dinë të bëjnë por me një simbolikë pro qytetit, në Kavajë 8 dhjetori i Ditës së Rinisë u organizua me një mesazh të fortë.

28 pemë për 28 vjetorin e demostratave të rinisë të viteve 1990, që rrëzuan sistemin komunist. Kreu i Bashkisë së Kavajës, Isa Sakja së bashku me të rinjtë e Forumit Rinor të PD-së në Kavajë, i dhanë sot Parkut Rekreativ të qytetit, 28 pemë.

Nga ana tjetër, Sakja i ka bërë thirrje qytetarëve të Kavajës, që ti bashkohen kësaj nisme, për të mbjedhur pemë në Parkun Rekreativ, që pritet ti japë qytetin ajërin e pastër, gjelbërim dhe ambiente shplodhëse, të munguara prej vitesh.

Postimi i plotë

28 pemë për 28 vjet liri! Sot së bashku me Forumin Rinor të Partisë Demokratike nisëm t’i japim jetë mushkërisë më të re të qytetit, Parkut Rekreativ, i ndërtuar tërësisht me fondet e bashkisë! Eja dhe ti mbill pemën tënde, e ndihmo për një Kavajë më të bukur! Çdo qytetar është i mirëpritur në mbështetje të kësaj nisme.