29 Nëntori, Presidenti Meta dhe Kryeministri Rama zhvillojnë ceremoni te Varrezat e Dëshmorëve

Presidenti i Republikës, Ilir Meta, Kryeministri Edi Rama, si dhe kryeparlamentarja Lindita Nikolla kanë zhvilluar paraditen e sotme ceremoni zyrtare te Varrezat e Dëshmorëve me rastin e 29 Nëntorit, 77-vjetorit të çlirimit të Shqipërisë.

Krerët më të lartë të shtetit, kanë vendosur kurora me lule dhe kanë nderuar dëshmorët.

Presidenti Meta uron shqiptarët me fjalët:

“GËZUAR DITËN E ÇLIRIMIT!
Lavdi dëshmorëve dhe heronjve të Luftës Antifashiste Nacionalçlirimtare, gjakut dhe sakrificave të bijve dhe bijave më patriotë për mbrojtjen e Lirisë dhe Sovranitetit të Shqipërisë!”.

Ndërsa Kryeministri shkruan: “Lavdi dëshmorëve të Atdheut”.

29 Nëntori i sotëm shënon 77-vjetorin e Çlirimit të Shqipërisë nga forcat naziste gjermane.