36-vjeçari shqiptar humb jetën në burgun e Trikalas

Një i burgosur shqiptar ka humbur jetën në Greqi. Sipas mediave greke për fjalë për një person të moshës 36 vjeç i cili ka humbur jetën në burgun e Trikalas. Për shkakun e vdekjes së shqiptarit thuhet se është bërë një rrëzim i papritur që ai ka pësuar në qelinë e tij gjatë mbrëmjes së djeshme. “Protothema” shkruan se vdekja e të burgosurit mund të ketë ardhur për shkaqe patologjike. Ai është dërguar me ambulancë në spitalin e Trikalla, por për të ishte tepër vonë. Sakaq, do të jetë ekspertiza mjeko-ligjore ajo që do të përcaktojë qartë shkaqet.